“ციანიდის საქმეში” მსჯავრდებული დეკანოზ გიორგი მამალაძის ძმა, თორნიკე მამალაძე სოციალური ქსელში შემდეგ აზრს გამოთქვამს:"გუშინ პატრიარქმა ეპისკოპოსი იაკობი მთავარეპისკოპოსის ხარისხში აღიყვანა. როგოც ჩანს "ციანიდის საქმის" წარმატებით განხორციელებისთვის გადასცა მას ეს ჯილდო. როდესაც ეკლესიაში ისეთი უსახური ადამიანები წინაურდებიან, როგორიც იაკობია და არც მრევლს და არც სასულიერო დასს ამაზე პრეტენზია არ გააჩნია, ეს იმას ნიშნავს, რომ ეკლესიის გულშემატკივარი ერშიც და ბერშიც ძალიან ცოტაა. კიდევ ერთი რამ, რამაც გუშინ გულწრფელად აღმაშფოთა, არის ის, რომ ივანიშვილი იმდენად გააკადნიერა პატრიარქის ქება-დიდებამ, რომ სანთელს პირდაპირ წმინდა ტრაპეზიდან მოუკიდა ცეცხლი. ყველასთვის ცნობილია, რომ ტრაპეზთან მიახლება მხოლოდ სასულიერო პირის უფლებაა გამონაკლისის გარეშე! ივანიშვილისთვის ასეთი პრივილეგიის მინიჭება, ფულისა და გავლენის სანაცვლოდ ეკლესიის სიწმინდის გაყიდვას ნიშნავს! მეგობრებო, სრული პასუხისმგებლობით ვაცხადებ, დედაეკლესია უზურპირებულია ქრისტეს მოღალატე ადამიანების მიერ!"