შემზარავი ფაქტი გორის რაიონში-14 წლის გოგონაზე მამა სექსუალურად ძალადობდა. 40 წლის მამაკაცი გორის პოლიციის თანამშრომლებმა უკვე დააკავეს, ის ჩადენილ დანაშაულს აღიარებს. მამაკაცი მოსამართლის განჩინების საფუძველზე დააკავეს. მას გამოძიება წინასწარი შეცნობით ოჯახის არასრულწლოვანი წევრის მიმართ ჩადენილ გაუპატიურებისა და სექსუალური ხასიათის სხვაგვარ ქმედებას ედავება. გამოძიების ინფორმაციით, ბრალდებულმა 2017 წელს, საკუთარ საცხოვრებელ სახლში, 14 წლის შვილის მიმართ სხვადასხვა დროს სექსუალური ხასიათის ძალმომრეობითი ქმედება განახორციელა. ამ დროისთვის, არასრულწლოვანი გოგონა სოციალური სააგენტოს თანამშრომლების მიერ უკვე გადაყვანილია სოციალური მომსახურების სააგენტოს საოჯახო ტიპის სახლში. სავარაუდოდ, მოძალადეს 10-დან 13 წლამდე ვადით თავისუფლების აღკვეთა ემუქრება.