ირაკლი ოქრუაშვილი ჩემთვის, როგორც პოლიტიკოსისთვის, ნამდვილად არ არის საინტერესო ფიგურა, – განაცხადა თბილისის მერმა, კახა კალაძემ თავდაცვის ყოფილი მინისტრის, ირაკლი ოქრუაშვილის დაკავებასთან დაკავშირებულ კითხვაზე პასუხისას.
კალაძე აღნიშნავს, რომ არის სამართლებრივი კითხვები, რომელსაც ოქრუაშვილი გასცემს პასუხს.
„ზოგადად, არ არის ირაკლი ოქრუაშვილი საინტერესო ფიგურა, რომ მე დავდგე და კომენტარები გავაკეთო ამასთან დაკავშირებით. ჩვენ ვნახეთ კადრები 20 ივნისის შევარდნასთან დაკავშირებით და შესაბამისი უწყებები მოქმედებენ ისე, რომ ყველამ გასცეს ჩადენილ დანაშაულს პასუხი“, – განაცხადა კახა კალაძემ.
კახა კალაძემ კიდევ ერთხელ შეაფასა 20-21 ივნისის მოვლენები და აღნიშნა, რომ აქციაზე დანაშაული არავის უნდა ეპატიოს, როგორც პოლიტიკოსებს, ისე რიგით მოქალაქეებს.