„მოიცალეს ბიჭებმა", - ასე ეხმაურება ჟურნალისტი ინგა გრიგოლია „ტვ პირველის" დამფუძნებლის ვახტანგ წერეთლის პროკურატურაში დაბარებას.
„მოიცალეს ბიჭებმა. რაო, საყვარლებო, აგვისტოში გინდათ ყველაფერი გაწმინდოთ, რომ კრიტიკული სიტყვა არსაიდან აღარ ისმოდეს? არ გამოვა ეგ ამბავი", - წერს გრიგოლია ფეისბუქზე.
ტელეკომპანია „პირველის" დამფუძნებელი ვატო წერეთელი პროკურატურაში დაიბარეს. არსებული ინფორმაციით, მას თიბისის საქმეზე გამოკითხავენ.
პროკურატურაში დაბარების ფაქტი მოგვიანებით დაადასტურა თავად ვატო წერეთელმა.
როგორც მან სოციალურ ქსელში დაწერა, გამოკითხვაზე აუცილებლად მივა, მაგრამ ჩვენებას მოსამართლის თანდასწრებით მისცემს.