მოსკოვში აქციაზე დაკავებულთა რიცხვი 390-მდე გაიზარდა
მოსკოვში აქციის დაშლასთან ერთად სამართალდამცავები აქტივისტების ბინებში ჩხრეკას ატარებენ. ამ დროისთვის დაკავებულია 390-მდე ადამიანი, აქედან 6 ჟურნალისტია, მათ შორის სამი უცხოელი.

დაკავებულია კორუფციასთან ბრძოლის ფონდის (ალექსეი ნავალნის დაარსებული ორგანიზაცია) იურისტი ლიუბოვ სობოლი. ისევ დააკავეს დეპუტატების დაურეგისტრირებელი კანდიდატი კონსტანტინ იანკაუსკასი, რომელმაც მთელი გასული კვირა ადმინისტრაციულ პატიმრობაში გაატარა. დააკავეს ადამიანის უფლებების საბჭოს წევრი და წამების საწინააღმდეგო კომიტეტის ხელმძღვანელი იგორ კალიაპინი. ცნობილი გახდა ისიც, რომ მოსკოვის პოლიციის ორ რაიონულ განყოფილებაში დაკავებულებთან ადვოკატებს არ უშვებენ.

შეგახსენებთ, მოსკოვში ოპოზიციის მხარდამჭერი მსვლელობა გაიმართა, რომლის მონაწილეები საქალაქო სათათბიროში დეპუტატობის ოპოზიციონერი კანდიდატებისთვის რეგისტრაციაზე უარის თქმას აპროტესტებდნენ.

ამასთან, ალექსეი ნავალნის ორგანიზაციის „კორუფციასთან ბრძოლის ფონდის“ წინააღმდეგ საგამოძიებო კომიტეტმა „თანხების ლეგალიზაციის“ ბრალდებით სისხლის სამართლის საქმე აღძრა.

საგამოძიებო კომიტეტის წარმომადგენელმა სვეტლანა პეტრენკომ განაცხადა, რომ ლაპარაკია დაახლოებით მილიარდ რუბლზე.

გამოძიების ვერსიით, ფონდის თანამშრომლებმა და მათთან დაახლოებულმა პირებმა 2016-2018 წლებში მესამე პირებისგან მიიღეს მსხვილი თანხები რუსულ რუბლებსა და უცხოურ ვალუტაში, რომლებიც დანაშაულებრივი გზით იყო მოპოვებული. ეს ფული ბანკომატებით შეიტანეს ანგარიშებზე და შემდეგ ფონდის მიმდინარე ანგარიშებზე ჩარიცხეს.

ნავალნის შტაბში აცხადებენ, რომ ხელისუფლებას სურს მთელი შემოწირულება, რომელიც ოფიციალურად მათ ანგარიშზე ირიცხებოდა, გააფორმოს როგორც „გათეთრება“ და ამით რეგიონული შტაბების დაფინანსება შეუძლებელი გახადონ.

წყარო: IPN

ენმ "ოკუპირებული ტერიტორიების შესახებ" კანონპროექტში ცვლილებებს ითხოვს-ხმაური ბიუროს სხდომაზე 22.05.2023
სესიაზე ე.წ.ქოლ-ცენტრების საქმეზე დროებითი საგამოძიებო კომისიის შექმნის საკითხი ჩავარდა 19.05.2023
რუსეთთან ვაჭრობას, ეკონომიკას არ ვაჩერებთ, იმიტომ, რომ ეს ჩვენი ხალხის ინტერესებს დააზიანებს-პრემიერი 19.05.2023
სანქცირებული ბორტები არ იფრენს საქართველოში, მაგრამ რუსეთისთვის სანქციების დაწესება არ მოხდება-კობახიძე 17.05.2023
პარლამენტმა იუსტიციის უმაღლესი საბჭოს 3 წევრი აირჩია - ოპოზიციის ნაწილმა მხარი მმართველი გუნდის კანდიდატს დაუჭირა 17.05.2023
ვაშაძე ე.წ. ქოლცენტრების საქმესთან კავშირში დეპუტატ ისკო დასენს და მისი ოჯახის წევრებს ადანაშაულებს
მარტი 2024
ორშ.სამშ.ოთხშ.ხუთშ.პარას. შაბათიკვირა
26272829123
45678910
11121314151617
18192021222324
25262728293031