ანგარიშის წარდგენის პრეზენტაციაზე ცნობილი გახდა, რომ რეგიონებში განსახორციელებელი პროექტებისა და მთის ფონდების, განათლების, ინფრასტრუქტურისა და სოფლის მხარდაჭერის პროგრამების საერთო ბიუჯეტმა წელს, ჯამში 400 მილიონი ლარი შეადგინა, რითაც 6700 პროექტის განხორციელება იგეგმება. 1 ივლისის მონაცემებით, დაფინანსებული პროექტებიდან უკვე დასრულებულია 750-ზე მეტი, 3500-ზე მეტ პროექტზე მიმდინარეობს სამუშაოები, ხოლო 700-მდე პროექტზე საპროექტო-სამშენებლო სამუშაოების დასაწყებად საჭირო პროცედურებია დაწყებული.