ენმ მცხეთაში მომხდარ ავტოსაგზაო შემთხვევაში „ქართულ ოცნებას“ ადანაშაულებს 7.10.2016
მცხეთაში, ბებრის ციხის მიმდებარე ტერიტორიაზე მომხდარ ავტოსაგზაო შემთხვევაში „ერთიანი ნაციონალური მოძრაობის“ მცხეთის ორგანიზაციის ხელმძღვანელი „ქართულ ოცნებას“ ადანაშაულებს. ლაშა ფარულავას თქმით, საქართველოს ფოსტის თანამშრომელს მცხეთის მაჟორიტარი დეპუტატობის კანდიდატის დიმიტრი ხუნდაძის შტაბის წევრი მანქანით იმ დროს დაეჯახა, როდესაც პარტია საარჩევნო კამპანიის ფარგლებში ქუჩაში მსვლელობას აწყობდა. ინციდენტის დროს, ფოსტის თანამშრომელმა სხვადასხვა სახის დაზიანებები მიიღო. მისივე თქმით, მომხდარი არ დაუდასტურეს იმ სამედიცინო ცენტრში, სადაც დაშავებული გადაიყვანეს. „ერთიანი ნაციონალური მოძრაობის“ წევრი „ქართული ოცნების“ მხრიდან ადმინისტრაციული რესურსის გამოყენებაზე და სამართალდამცველების უმიოქმედობაზეც საუბრობს. ბრალდებებს მალევე უპასუხეს ქართული ოცნების მცხეთის ოფისში. დიმიტრი ხუნდაძემ ფარულავას განცხადებას აბსურდული უწოდა. მისი თქმით, ფოსტის თანამშრომელს მოტოციკლეტი მოუცურდა და ხელი იტკინა. შეგახსენებთ, ავტოსაგზაო შემთხვევა მცხეთაში გუშინ მოხდა. მომხდარზე შინაგან საქმეთა სდამინისტრომ გამოძიება 276-ე მუხლის პირველი ნაწილით დაიწყო. 
მაისი 2020
ორშ.სამშ.ოთხშ.ხუთშ.პარას. შაბათიკვირა
27282930123
45678910
11121314151617
18192021222324
25262728293031